10 ліпеня ўдзельнікі клуба “Залаты ўзрост” сабраліся ў літаратурнай гасцёўні Уздзенскай раённай бібліятэкі на мерапрыемства “Горад, слаўны справамі і людзьмі”, прысвечанае Дню Незалежнасці Рэспублікі Беларусь. Размова вялася аб гісторыі свята, аб вызваленні Беларусі ад фашысцкіх захопнікаў, аб тым, як у пасляваенныя часы будавалі заводы, дамы, школы, выпускалі першую прадукцыю на адноўленых прадпрыемствах. Вольга Бокуць-Чабатарова і Тамара Каляда прачыталі прысутным свае вершаваныя творы патрыятычнай тэматыкі.
