9 красавіка адбылася прэзентацыя выстаўкі мастака-іканапісца Ядзвігі Сянько “Краски православия”. На сустрэчу былі запрошаны наведвальнікі раённай бібліятэкі, навучэнцы школ горада – раённай гімназіі і ДУА “Уздзенская сярэдняя школа №2 імя К.К.Крапівы”. У прэзентацыі прымалі ўдзел протаіерэй храма святых апосталаў Пятра і Паўла Грыгорый Чарапеннікаў і іерэй храма свяціцеля Мікалая Цудатворцы – Аляксей Шышко. Ядзвіга Іванаўна расказала прысутным аб сваёй творчасці, іконах, якія складаюць экспазіцыю выстаўкі, адказала на пытанні ўдзельнікаў мерапрыемства.
