Святочную сустрэчу “Калядны сюрпрыз” правялі бібліятэкары Уздзенскай цэнтральнай раённай бібліятэкі імя П.Труса ў рамках Рэспубліканскай дабрачыннай акцыі “Нашы дзеці”. 10 студзеня бібліятэкары наведалі дзіцячы дом сямейнага тыпу Таццяны і Анатоля Коршук, пазнаёміліся з двума Максімамі, якія як раз прыйшлі са школы. Бібліятэкары павіншавалі дзяцей і прыёмную матулю з каляднымі святамі, уручылі салодкія падарункі, а ад гаспадароў атрымалі ў дар кнігі беларускай і рускай класікі.
