2 верасня супрацоўнікі ДУК «Уздзенская цэнтральная раённая бібліятэка імя П.Труса» правялі патрыятычную гадзіну «Сімвалы маёй краіны». Для вучняў 9 “В” класа ДУА «Уздзенская сярэдняя школа №2 імя К.К.Крапівы» быў падрыхтаваны мультымедыйны расказ пра сімвалы сучаснай Беларусі. Акрамя сімвалаў дзяржаўнага суверэнітэту ўдзельнікі мерапрыемства даведаліся пра духоўныя сімвалы беларускай нацыі, архітэктурныя сімвалы Беларусі, унікальныя сімвалы беларускай прыроды. Сапраўднымі сімваламі Беларусі сталі таксама людзі, што праславілі сваю родную краіну. Завяршылася мерапрыемства аглядам кніжнай выстаўкі «Беларусь — мая радзіма».
