Віртуальны музей Паўлюка Труса
Мерапрыемствы
да 110-годдзя з дня нараджэння Паўлюка Труса
(2014 г.)
У літаратурным свяце “Замілаваны спеў яго радка” – прынялі ўдзел аматары паэзіі, маладыя творцы, удзельнікі літаратурнага аб’яднання “Нёманец”. Яны ўспомнілі самыя яскравыя творы Паўлюка. Цікавымі былі выступленні членаў Саюза пісьменнікаў Беларусі: Зоі Калкоўскай, Галіны Нічыпаровіч, Віктара Сабалеўскага, Таццяны Цехнебедзінай.
З нагоды юбілею паэта раённая бібліятэка пры падтрымцы раённай арганізацыі ГА “Белая Русь” прапанавала чытачам раённай газеты “Чырвоная зорка” літаратурную віктарыну-конкурс “Святло душы, святло творчасці”.
Пераможцам і ўдзельнікам віктарыны, вучням гімназіі і сярэдняй школы №2 імя К.Крапівы з дапамогай слайдаў супрацоўнікі бібліятэкі расказалі пра жыццё і творчасць П.Труса. Гасцям прапанавалі пагартаць старонкі зборнікаў вершаў П.Труса. Пераможцы віктарыны былі ўзнагароджаны падзякамі і сувенірамі (6.05.2014).
Мерапрыемствы
да 115-годдзя з дня нараджэння Паўлюка Труса
(2019 г.)
22 мая 2019 года ў цэнтральнай раённай бібліятэцы ладзілася юбілейная вечарына “Мы прыходзім у свет, каб уславіць яго”. Прысутным была прапанавана мультымедыйная прэзентацыя аб жыцці і творчасці маладога таленавітага паэта. Бібліятэкары сельскіх бібліятэк-філіялаў падрыхтавалі паэтычную імпрэзу з мастацкіх радкоў-прысвячэнняў Паўлюку Трусу, удзельнікі літаратурнага аб’яднання «Нёманец» чыталі свае вершы. Госцем свята ў гэты дзень была старшыня Мінскага абласнога аддзялення Саюза пісьменнікаў Беларусі Святлана Быкава. Свае песні прысутным дарылі ўдзельнікі народнага хору ветэранаў «Надзея».
6 мая 2020 года
“Светлае імя Беларусі” – Дзень памяці паэта-земляка Паўлюка Труса.
Дзея праходзіла ў відэафармаце.
У гэты дзень была зладжана інтэрактыўная акцыя “Чытаем разам Паўлюка Труса”, у якой прынялі ўдзел карыстальнікі і супрацоўнікі бібліятэкі, раённага Дома культуры.
3 лютага 2022 года
Супрацоўнікі раённай бібліятэкі прынялі ўдзел у навукова-практычным семінары «Ураджэнцы роднага краю» у межах рэспубліканскага праекта «На хвалі часу, у плыні жыцця», які адбыўся на базе Нацыянальнай бібліятэкі Беларусі. Было падрыхтаванна відэавыступленне «Тут слова Труса гучыць, не змаўкае…» пра ўшанаванне памяці паэта-земляка на малой радзіме.
Арганізатарамі мерапрыемства выступілі Нацыянальная бібліятэка Беларусі, Беларускі дзяржаўны архіў-музей літаратуры і мастацтва, Выдавецкі дом “Звязда” (газета “Літаратура і мастацтва”), Дзяржаўны музей гісторыі беларускай літаратуры.
Мерапрыемствы ў рамках абласнога праекта
«Пісьменнікі — ураджэнцы роднага краю», прысвечанага папулярызацыі літаратурнай творчасці
22.10.2022 г.
«Мы прыходзім у свет, каб уславіць яго» — агляд кніжнай выстаўкі-экспазіцыі з прэзентацыяй Віртуальнага музея Паўлюка Труса быў праведзены для вучняў 8 класа ДУА «Уздзенская раённая гімназія».
28.11.2022 г.
“Яго імя носіць бібліятэка”, літаратурнае знаёмства для навучэнцаў УА “Уздзенскі дзяржаўны каледж”.
2.12.2022 г.
Дзень сяброўства ў бібліятэцы: экскурсія-знаёмства з бібліятэкай, агляд экспазіцыі “Яго імя носіць бібліятэка” для кітайскіх студэнтаў Беларускага дзяржаўнага ўніверсітэта.
8.12.2022 г.
“Вечнае жыццё ў слове” – літаратурны партрэт Паўлюка Труса з прэзентацыяй матэрыялаў Віртуальнага музея паэта для вучняў 9 класа УА “Уздзенская дзяржаўная санаторная школа-інтэрнат”.
