“Галасы Утопіі” — новае выданне
Паважаныя чытачы, у фонд бібліятэкі паступіла поўнае выданне дакументальна-мастацкай хронікі нобелеўскага лаўрэата СвятланыАлексіевіч “Галасы Утопіі”. Пяць кніг, напісаных у адметным жанры шматгалосых раманаў-споведзяў, дзе з малых падзеяў складваецца вялікая гісторыя.
Гэта апошняя аўтарская рэдакцыя цыкла ў найноўшым беларускім перакладзе, без цэнзурных правак. Таксама пісьменніца дадала новыя эпізоды і з уласнага дзённіка.
«У вайны не жаночы твар» — першая кніга хронікі. Досвед унікальнага спазнання духоўнага свету жанчыны, якая трывае нечалавечыя пакуты вайны.
«Чарнобыльская малітва» — чацвёртая кніга хронікі, прысвечаная галоўнай тэхнагеннай катастрофе ХХ стагоддзя. Кніга вельмі часта гаворыць галасамі нашых суайчыннікаў-ліквідатараў і іх сваякоў, журналістаў і навукоўцаў, настаўнікаў і жыхароў палескіх вёсак.
Новыя паступленні літаратуры 2 кв. 2018 г.
новыя паступленні літаратуры 1 кв. 2018 г.
Новыя паступленні літаратуры ліпень -кастрычнік 2017
Новыя паступленні літаратуры студзень - май 2017г.
«Цынкавыя хлопчыкі» — трэцяя кніга хронікі. Без гэтай кнігі немагчыма ўявіць сабе ні гісторыі афганскай вайны, смертаноснай і няправеднай, ні гісторыі апошніх гадоў савецкай ўлады, якую гэтая вайна канчаткова падарвала.
«Апошнія сведкі» — другая кніга хронікі. Успаміны пра Другую сусветную вайну дзяцей — самых безабаронных і самых няшчасных яе сведак. Вайна, убачаная дзіцячымі вачыма, выявілася яшчэ больш пераканаўчай і уражальнай, чым адлюстраваная жаночымі поглядамі ў кнізе «У вайны не жаночы твар».
«Час сэканд хэнд» — пятая кніга хронікі, якая распавядае не столькі пра падзеі ХХ стагоддзя, колькі пра іх адлюстраванне ў сэрцы простага чалавека, прадстаўніка «новай гістарычнай супольнасці людзей». Паводле жанру гэта — трагічны эпас савецкага народа, які балюча знікае на нашых вачах разам з распадам імперыі.
