15 сакавіка 2019 года

 

У рамках акцыі "Мы - грамадзяне Беларусі"  бібліятэкары падрыхтавалі і правялі інфарміну "Конституция - символ эпохи" для вучняў сярэдняй школы №2 імя К. Крапівы. Вучні даведаліся аб значэнні Канстытуцыі для дзяржавы ўвогуле і для кожнага грамадзяніна нашай рэспублікі. Пазнаёміліся з асноўнымі раздзеламі Канстытуцыі.

Для супрацоўнікаў бібліятэкі ў гэты дзень кіраўніцтвам установы была арганізавана інфрмацыйная гадзіна "Закон, по которому мы живём".

14 сакавіка 2019 года

 

      75-годдзю вызвалення Беларусі ад нямецка-фашысцкіх захопнікаў была прысвечана літаратурна-музычная кампазіцыя “Нам не помнить об этом нельзя”, якую падрыхтавалі бібліятэкары.

        Мерапрыемства адбылося 14 сакавіка ў Палацы культуры. Арганізатарамі яго выступілі раённыя саветы ветэранаў Уздзенскага і Стаўбцоўскага раёнаў на чале з кіраўнікамі Лычкоўскай Таццянай Іванаўнай і Лапко Наталляй Аляксандраўнай. На сустрэчу былі запрошаны ўдзельнікі клубаў “Залаты ўзрост”, што дзейнічае пры Уздзенскай цэнтральнай раённай бібліятэцы, “Неунывающие”(ТЦСАН г. Узда), аматарскі калектыў “Родны кут”(ТЦСАН г. Стоўбцы).

        Вітальнымі словамі гасцей і ўдзельнікаў сустрэчы вітала намеснік старшыні Уздзенскага райвыканкама Федчанка Анжэла Алегаўна. Папуры песень ваенных гадоў слухалі прысутныя ў выкананні былога малалетняга вязня, а зараз члена рэвезійнай камісіі раённай арганізацыі ветэранаў, актыўнага ўдзельніка мерапрыемстваў саццэнтра г. Узда Любчанкі Івана Ермалаевіча.

Урыўкамі са сваіх твораў і вершамі вітаў слухачоў Карпуць Яўген Вікенцьевіч. Цікавую і разнастайную музычную праграму прывезлі уздзенцам госці са Стоўбцаў - аматарскі калектыў “Родны кут”.

22 сакавіка 2019 года

 

Чарговая сустрэча ўдзельнікаў літаратурнага аб'яднання "Нёманец", прымеркаваная да Сусветнага дня паэзіі, адбылася  22 сакавіка ў літаратурнай гасцёўні цэнтральнай бібліятэкі. "Нёманцы" прыйшлі ў бібліятэку не з пустымі рукамі, у кожнага ўдзельніка сустрэчы - багаты літаратурны вопыт, сваімі поспехамі і дасягненнямі з радасцю дзяліліся Галіна Міхайлаўна Нічыпаровіч, Вольга Рыгораўна Бокуць-Чабатарова, Тамара Антонаўна Каляда, Віктар Вацлававіч Сабалеўскі, шчыра распавядалі пра свае паэтычны планы Вера Лукашэвіч,  Ала Сяргееўна Шыбко, Валянціна Мікалаеўна Шытыка.

28 сакавіка  2019 года

 

У літаратурнай гасцёўні бібліятэкі сабраліся прыхільнікі здаровага ладу жыцця на сустрэчу з Бондар Даніель Мікалаеўнай, урачом-валеолагам, аўтарам кнігі "Прочти и живи". Даніель Мікалаеўна дзялілася з прысутнымі сакрэтамі падтрымання здароўя праз правільнае харчаванне, фізічна актыўны лад жыцця, правільны эмацыянальны настрой. Аўтар прэзентавала кнігу, у якой падрабязна раскрыла свой вопыт і шлях да здаровага ладу жыцця. Сваімі думкамі, меркаваннямі яна шчыра дзялілася з чытачамі бібліятэкі, а напрыканцы сустрэчы пакінула аўтограф на падарачным экзэмпляры кнігі.