Яндекс.Метрика

5 мая 2021 года

 

   У рамках патрыятычнага праекта "Вучым ганарыцца мінулым" да Дня Перамогі раённая бібліятэка сумесна з членам Союза пісьменнікаў Беларусі В.М.Шытыка правялі ўрок мужнасці “Этих дней не смолкнет слава” для навучэнцаў УА "Уздзенскі дзяржаўны сельскагаспадарчы ліцэй".

   Валянціна Мікалаеўна разам з юнакамі і дзяўчатамі перагарнула незабыўныя гераічныя старонкі Вялікай Айчыннай вайны. Песні ваенных гадоў на гэтым мерапрыемстве прагучалі ў выкананні былога вязня трох канцлагераў І.Я. Любчанка.

6 мая 2021 года

 

   На тэматычную вечарыну "Победные вёрсты войны", прысвечаную Дню Перамогі, сабраліся ўдзельнікі клуба “Залаты ўзрост”. 

   У гэты дзень было шмат успамінаў пра бацькоў, якія ваявалі на франтах Вялікай Айчыннай і перажылі ўсе нягоды ваеннага ліхалецця. На мерапрыемстве гучалі вершы і песні ваеннай тэматыкі. Новыя творы прачытала член СПБ В.М. Шытыка, удзельнца літаб’яднання “Нёманец”; Т. Каляда, Н. Дубовік. Прагучала песня ў выкананні В. Бокуць-Чабатаровай. Былы кадравы афіцэр, палкоўнік М.К. Чыгір расказаў прысутным аб сваёй аўтабіяграфічнай аповесці “Леса, пустыни, горы, города и полигоны”. Са словамі віншавання са святам да ўдзельнікаў клуба звярнуліся дырэктар бібліятэкі А. Драчан і супрацоўнікі бібліятэкі.

18 мая 2021 года

 

   Уздзенскую цэнтральную раённую бібліятэку наведала папулярная тэлевядучая праграмы "Добрай раніцы, Беларусь!" Святлана Бароўская. Цікавай была размова вядучай з дырэктарам бібліятэкі, знаёмства з актыўнымі чытачамі і мясцовымі пісьменнікамі.

  Працягам сустрэчы была паездка здымачнай групы да чытачоў вёсак Стальбоўшчына, Падцацкія, Пад’ельнікі. Для мясцовых жыхароў была прыемная сустрэча.

    У час сустрэчы Святлана Аляксееўна падаравала чытачам бібліятэкі кнігі беларускіх аўтараў з аўтографамі.

30 мая 2021 года

 

   У рамках абласнога творчага марафону “Богат талантами наш край”, які адбыўся каля Палаца культуры, раённая бібліятэка арганізавала літаратурны дворык “Там дзе Нёмана выток — Уздзеншчына”. На ім размясціліся імправізаваны Куток пісьменніка, тэматычныя кніжныя выстаўкі “Літаратурная прастора” і “Краязнаўчая скарбонка”, дзе была прадстаўлена ўвазе наведвальнікаў літаратура аб Уздзенскім краі, творы ўдзельнікаў літаратурнага аб’яднання “Нёманец”, членаў Саюза пісьменнікаў Беларусі.

    Удзельнікі мерапрыемства мелі магчымасць пазнаёміцца з пісьменнікамі Галінай Нічыпаровіч і Валянцінай Шытыка, даведацца аб іх творчасці. Для наведвальнікаў таксама была падрыхтавана традыцыйная літаратурная прышчэпка з вершамі аб родным краі уздзенскіх паэтаў ”Гучаць вершы землякоў”.