Яндекс.Метрика

15 лютага 2018 года

“Из пламени Афганистана” - такую назву атрымала літаратурна-музычная кампазіцыя, прысвечаная памяці воінаў-інтэрнацыяналістаў, што адбылася 15 лютага ў цэнтральнай раённай бібліятэцы.

Сумесна з супрацоўнікамі раённага Дома культуры бібліятэкары арганізавалі сустрэчу былых удзельнікаў вайны ў Афганістане. Зала бібліятэкі сабрала шмат гасцей, у ліку якіх не толькі ветэраны горнай вайны, але і прадстаўнікі ўлады раёна, грамадскіх арганізацый, актыўныя чытачы, самадзейныя паэты і пісьменнікі, проста неабыякавыя людзі. Гучалі вершы, музыка, успаміны, а таксама словы падзякі, пажаданні моцнага здароўя і шчасця ветэранам.

8 лютага 2018 года

цэнтральную раённую бібліятэку наведалі навучэнцы Уздзенскага сельскагаспадарчага ліцэя. Для моладзі напярэдадні выбараў у мясцовыя Саветы дэпутатаў была распрацавана і праведзена квест-гульня “Я - молодой избиратель”.

Падзяліўшыся на дзве каманды, юнакі і дзяўчаты праходзілі этапы гульні і паказвалі нядрэнныя веды ў галіне выбарчага права. Аб гэтым сведчыць  хуткасць і дакладнасць выкананых заданняў, і, як вынік,  сабранае выслоўе “Не знать закон есть грубая неосторожность”. Пасля Юлія Зяневіч першы сакратар раённай арганізацыі БРСМ правяла для моладзі акцыю “Напішы пажаданне дэпутату”.

20 лютага 2018 года

“Няведанне закону не вызваляе ад адказнасці” — выказванне, якое дайшло да нас з глыбінь рымскага права, і дагэтуль актуальнае для ўсіх грамадзян.  У Беларусі існуе мноства прававых нормаў, якія рэгламентуюць жыццё грамадства, у тым ліку маладых людзей рознага ўзросту.  З мэтай павышэння прававой свядомасці і распаўсюджвання прававых ведаў 20 лютага для старшакласнікаў СШ № 1 імя А. Пушкіна адбылася інфармацыйная гадзіна “Моладзі пра Закон” у рамках правядзення міжведамаснай прафілактычнай акцыі “Сябруем з Законам”. Вучні даведаліся пра асновы права нашай краіны, таксама ім быў прадстаўлены двухтомнае выданне нарматыўных прававых актаў Рэспублікі Беларусь “Молодежь: права и обязанности”.