Яндекс.Метрика

1 жніўня 2018 года

Імя беларускага кампазітара Ігара Лучанка вядома не толькі ў нашай Беларусі, але і за яе межамі. Ён упісаў яркую старонку ў гісторыю песеннай культуры 20-га стагоддзя.

1 жніўня ў літаратурнай гасцёўні прайшло мерапрыемства “Лёс яго – песня”, прысвечанае 80-гадоваму юбілею кампазітара. Аб яго творчым шляху, грамадскай дзейнасці, чалавечых якасцях расказала вядучая мерапрыемства.

У гэты дзень гучала шмат песень, напісаных кампазітарам: “Памяць сэрца”, “Вераніка”, “Спадчына”, “Мой родны кут”, “Бярозка”, і інш. У выкананні В. Вуячыча, ансамбля “Песняры”, Л. Барткевіча. Удзельнікі валанцёрскай вакальнай групы “Журавінка” таксама выканалі некалькі песень І. Лучанка: “Майскі вальс”, “Дабрыня”, ”Полька беларуская”. Мультымедыйная прэзентацыя, прысвечаная кампазітару дапоўніла яго літаратурна-музычны партрэт.