Яндекс.Метрика

1 верасня 2020 года

 

   Для вучняў 7 і 10 класаў Уздзенскай раённай гімназіі бібліятэка падрыхтавала гісторыка-краязнаўчую мультымедыйную прэзентацыю “Я вырос здесь и край мне этот дорог”, прысвечаную Году малой радзімы. 

    З гісторыяй і сучаснасцю нашай Уздзеншчыны пазнаёміла актыўны чытач бібліятэкі, удзельніца літаб’яднання “Неманец”, педагог з 50-гадовым стажам В.М. Шытыка. Для ўдзельнікаў мерапрыемства прагучалі песні аб родным краі ў выкананні Алега Каламійца.

      У гэты ж дзень быў праведзены гісторыка-краязнаўчы ўрок для вучняў 8 класа Уздзенскай СШ №1 імя А.С. Пушкіна “Здесь Родины моей начало”.

15 верасня 2020

 

         У Дзень бібліятэк шмат цёплых слоў было сказана ў адрас супрацоўнікаў бібліятэк горада і раёна.

      За круглым сталом, які праходзіў пад назвай “Сёння – Дзень бібліятэк” з віншаваннямі звярнулася да калег дырэктар раённай бібліятэкі Аксана Драчан, старшыня прафсаюзнай арганізацыі работнікаў культуры Святлана Максімовіч.

   Павіншаваць бібліятэкараў з прафесійным святам прыйшлі прадстаўнікі раённага грамадскага аб’яднання “Белая Русь” Алена Герасімовіч і Ірына Траццяк; актыўны чытач і ўдзельніца клуба “Залаты ўзрост”, літаб’яднання “Нёманец” Валянціна Шытыка.

       Прысутным былі прапанаваны інсцэніраваныя віншаванні “Прызванне – служыць чытачам”, падрыхтаваныя супрацоўнікамі аддзела абслугоўвання і інфармацыі, дзіцячай раённай бібліятэкі. Інтэрактыўныя пытанні аб прафесіі падрыхтавала Вольга Віяленцій.

 

3 3 па 15 верасня ў раённай бібліятэцы праходзіла акцыя-пажаданне чытачоў супрацоўнікам бібліятэкі “Шчасце быць чытачом”.

         Чытачы жадалі супрацоўнікам бібліятэкі:

здароўя, шчасця, мірнага неба, любві да сваёй прафесіі, удзячных чытачоў, доўгіх гадоў жыцця, пазітыву, поспехаў у рабоце і інш.

 

24 верасня 2020

 

  На бібліятэчныя журфіксы па чацвяргах раённая бібліятэка запрашае маладых чытачоў на сустрэчы з цікавыми людзьмі. У гэты раз госцем быў мясцовы мастак Віталій Мкртчан.

  У праграму журфікса ўваходзіла гутарка каля выставы работ мастака, якія экспануюцца ў бібліятэцы. Быў праведзены своеасаблівы майстар-клас, на якім мастак расказаў аб тэхналогіі падрыхтоўкі халста, тэхніцы жывапісу, фарбах, якімі піша карціны. Зацікавіла моладзь таксама і выстаўка альбомаў з фонду чытальнай залы. Прысутныя абмяркоўвалі мастацкія творы, задавалі мастаку пытанні.